Astanada ulynyń emine qarajat jinaý úshin keń kólemdi jarnama naýqanyn uiymdastyrǵan erli-zaiyptyǵa qatysty alaiaqtyq deregi boiynsha tergep-tekserý aiaqtaldy,- dep habarlaidy Dalanews.kz.
Balanyń beinerolikteri, áserli jazbalar Instagram jáne Facebook jelileri arqyly myńdaǵan qazaqstandyqtyń júregine áser etken.
"Azamattardyń senimi men janashyrlyǵyn paidalana otyryp, kúdiktiler 1,3 mlrd teńgeden asa qarajat jinaǵan. Alaida balanyń emine tek 6,4 million teńge jumsalǵan. Qalǵan qarajatty erli-zaiypty jeke qajettilikterine paidalanǵan. Elordadan 3 páter, jer telimi, 5 kólik satyp alǵan. Sonymen qatar, qarajattyń bir bóligi qumar oiyndaryna jumsalǵan. Qaiyrymdylyq qarjysyn turaqty túrde alyp otyrý úshin olar kelip túsken qarajattyń úshten bir bóligin (481 million teńgeden asa) áleýmettik jelidegi paraqshalaryn jarnamalaýǵa baǵyttaǵan. Meta Ads arqyly júrgizilgen jarnama aýditoriiany edáýir keńeitip, qaiyrymdylyq kólemin arttyrýǵa múmkindik bergen", - dep jazylǵan habarlamada.
Kúdiktiler Túrkiiadaǵy LIV Hospital klinikasynda 84 million teńge turatyn ota jasatamyz degen jeleýdi de paidalanǵan.
"Qajet soma jinalǵanymen, shetelde ota jasalmaǵan. Kerisinshe olar Instagram paraqshasynda áýejaidan "ushyp bara jatqan" kórinisti beineleitin rolik jariialap, "ota sátti ótti" degen jalǵan aqparatpen jazba salǵan", - dep jazylǵan habarlamada.
Málimetke súiensek, sotaldy tergep-tekserý bastalǵanyn bilgen olar múlkin jasyrý maqsatynda jer telimin úshinshi tulǵanyń atyna rásimdegen.
"Alaida tergeý bul mámile jalǵan ekenin dáleldedi. Sot sanktsiiasymen qylmystyq jolmen alynǵan múliktiń barlyǵyna tyiym salyndy. Kúdiktilerge bultartpaý sharasy retinde úiqamaq túri tańdaldy", - dep jazylǵan habarlamada.
Qazir qylmystyq is sotta qaralyp jatyr.
