Múgedektigi bar balalar men eresekterge arnalǵan invataksi – olardy jumys, oqý, úiirme sekildi mańyzdy baǵyttarǵa jetkizetin mamandandyrylǵan kólik. Bul qyzmet apta boiy suranysqa qarai nemese jumys-oqý kestesine sai usynylady,- dep habarlaidy Dalanews.kz
Invataksi kóligi arnaiy qurylǵylarmen jabdyqtalǵan: múgedekter arbasyn bekitý, kirip-shyǵý qurylǵylary qarastyrylǵan. Arba paidalanbaityndar úshin jeńil avtokólik usynylady.
Qyzmetti paidalaný úshin saparǵa bir kún qalǵanda invataksi usynatyn uiymǵa qońyraý shalý qajet. Alǵashqy ret qoldanýshylardan ótinish pen birqatar meditsinalyq qujattar suralady.
2025 jyldan bastap Astana men Almaty qalalarynda Iandeks Go qosymshasy arqyly invataksi shaqyrý múmkindigi paida boldy. Bul jańashyldyq tapsyrysty onlain baqylaýǵa, júrgizýshige erekshe qajettilikter jaily aldyn ala eskertýge jaǵdai jasaidy.
13 jastaǵy Arýjan Saiatqyzy invataksi arqyly qalanyń ortasyndaǵy sýret úiirmesine qatysyp júr.
"Buryn úiirmege qatysa almaitynmyn, qazir arnaiy kólikpen ózim baramyn. Sýret salýdy jaqsy kóremin, bolashaqta animator bolǵym keledi. Invataksi meni qoǵammen bailanystyryp, armanyma jaqyndatty. Mundai qoldaý biz úshin óte mańyzdy", — deidi ol.
