مٷگەدەكتٸگٸ بار بالالار مەن ەرەسەكتەرگە ارنالعان ينۆاتاكسي – ولاردى جۇمىس, وقۋ, ٷيٸرمە سەكٸلدٸ ماڭىزدى باعىتتارعا جەتكٸزەتٸن مامانداندىرىلعان كٶلٸك. بۇل قىزمەت اپتا بويى سۇرانىسقا قاراي نەمەسە جۇمىس-وقۋ كەستەسٸنە ساي ۇسىنىلادى,- دەپ حابارلايدى Dalanews.kz
ينۆاتاكسي كٶلٸگٸ ارنايى قۇرىلعىلارمەن جابدىقتالعان: مٷگەدەكتەر ارباسىن بەكٸتۋ, كٸرٸپ-شىعۋ قۇرىلعىلارى قاراستىرىلعان. اربا پايدالانبايتىندار ٷشٸن جەڭٸل اۆتوكٶلٸك ۇسىنىلادى.
قىزمەتتٸ پايدالانۋ ٷشٸن ساپارعا بٸر كٷن قالعاندا ينۆاتاكسي ۇسىناتىن ۇيىمعا قوڭىراۋ شالۋ قاجەت. العاشقى رەت قولدانۋشىلاردان ٶتٸنٸش پەن بٸرقاتار مەديتسينالىق قۇجاتتار سۇرالادى.
2025 جىلدان باستاپ استانا مەن الماتى قالالارىندا ياندەكس Go قوسىمشاسى ارقىلى ينۆاتاكسي شاقىرۋ مٷمكٸندٸگٸ پايدا بولدى. بۇل جاڭاشىلدىق تاپسىرىستى ونلاين باقىلاۋعا, جٷرگٸزۋشٸگە ەرەكشە قاجەتتٸلٸكتەر جايلى الدىن الا ەسكەرتۋگە جاعداي جاسايدى.
13 جاستاعى ارۋجان ساياتقىزى ينۆاتاكسي ارقىلى قالانىڭ ورتاسىنداعى سۋرەت ٷيٸرمەسٸنە قاتىسىپ جٷر.
"بۇرىن ٷيٸرمەگە قاتىسا المايتىنمىن, قازٸر ارنايى كٶلٸكپەن ٶزٸم بارامىن. سۋرەت سالۋدى جاقسى كٶرەمٸن, بولاشاقتا انيماتور بولعىم كەلەدٸ. ينۆاتاكسي مەنٸ قوعاممەن بايلانىستىرىپ, ارمانىما جاقىنداتتى. مۇنداي قولداۋ بٸز ٷشٸن ٶتە ماڭىزدى", — دەيدٸ ول.
