Almaty taýlarynda taǵy bir bala joǵalyp ketti, dep habarlaıdy Dalanews.kz. 

27 shilde kúni túńgi saǵat 23:02-de Almaty qalasy Medeý aýdanynda 20 jastaǵy jigittiń joǵalǵany týraly habarlama tústi. Ol tańerteń taýǵa ketken, 17:00-de qaıtýy kerek bolǵan. Baılanys tek týysy, ápkesi arqyly júrgizilgen, geolokasıa qoljetimdi bolmaǵan. Jigit jyly kofta, shorty jáne krosovkada bolǵan, qosymsha kúrteshesi bar. Taýly aımaqta sol kezde jańbyr men burshaq jaýyp, 4000 metr bıiktikte qar túsken.

İzdeý jumystary 4147 metrlik Jastar shyńy aýmaǵynda bastaldy. Operasıaǵa RJQJ qutqarýshylary («Medeý» beketinen) jáne «Tuıyq-Sý» baqylaý-qutqarý pýnktiniń mamandary tartyldy.

Qutqarýshylar Mynjylqyǵa kóterilip, Jastar shyńyna qaraı jaıaý bet aldy. Jastar, Tıtova jáne T1 shyńdary tekserildi, alaıda iz-túz tabylǵan joq.

Mynjylqy ústirtinde TJD, eriktiler jáne drondar qatysýymen jedel shtab quryldy. «Qazavıaqutqarý» AQ áýe borty daıyn, biraq 1800 m bıiktikten joǵary bulttylyq, naızaǵaı men sekýndyna 20 m-ge deıin jetetin jel ushýǵa kedergi keltirgen.

Eske salaıyq, buǵan deıin Almaty taýlarynda joǵalyp ketken jigittiń denesi tabylǵan edi. 

Qutqarýshylar Aqylbek Nurıslamnyń denesin Úlken Almaty shatqalynyń mańynan tapty.