الماتى تاۋلارىندا تاعى بٸر بالا جوعالىپ كەتتٸ, دەپ حابارلايدى Dalanews.kz.
27 شٸلدە كٷنٸ تٷڭگٸ ساعات 23:02-دە الماتى قالاسى مەدەۋ اۋدانىندا 20 جاستاعى جٸگٸتتٸڭ جوعالعانى تۋرالى حابارلاما تٷستٸ. ول تاڭەرتەڭ تاۋعا كەتكەن, 17:00-دە قايتۋى كەرەك بولعان. بايلانىس تەك تۋىسى, ەپكەسٸ ارقىلى جٷرگٸزٸلگەن, گەولوكاتسييا قولجەتٸمدٸ بولماعان. جٸگٸت جىلى كوفتا, شورتى جەنە كروسسوۆكادا بولعان, قوسىمشا كٷرتەشەسٸ بار. تاۋلى ايماقتا سول كەزدە جاڭبىر مەن بۇرشاق جاۋىپ, 4000 مەتر بيٸكتٸكتە قار تٷسكەن.
ٸزدەۋ جۇمىستارى 4147 مەترلٸك جاستار شىڭى اۋماعىندا باستالدى. وپەراتسيياعا رجقج قۇتقارۋشىلارى («مەدەۋ» بەكەتٸنەن) جەنە «تۇيىق-سۋ» باقىلاۋ-قۇتقارۋ پۋنكتٸنٸڭ ماماندارى تارتىلدى.
قۇتقارۋشىلار مىنجىلقىعا كٶتەرٸلٸپ, جاستار شىڭىنا قاراي جاياۋ بەت الدى. جاستار, تيتوۆا جەنە ت1 شىڭدارى تەكسەرٸلدٸ, الايدا ٸز-تٷز تابىلعان جوق.
مىنجىلقى ٷستٸرتٸندە تجد, ەرٸكتٸلەر جەنە دروندار قاتىسۋىمەن جەدەل شتاب قۇرىلدى. «قازاۆياقۇتقارۋ» اق ەۋە بورتى دايىن, بٸراق 1800 م بيٸكتٸكتەن جوعارى بۇلتتىلىق, نايزاعاي مەن سەكۋندىنا 20 م-گە دەيٸن جەتەتٸن جەل ۇشۋعا كەدەرگٸ كەلتٸرگەن.
ەسكە سالايىق, بۇعان دەيٸن الماتى تاۋلارىندا جوعالىپ كەتكەن جٸگٸتتٸڭ دەنەسٸ تابىلعان ەدٸ.
قۇتقارۋشىلار اقىلبەك نۇريسلامنىڭ دەنەسٸن ٷلكەن الماتى شاتقالىنىڭ ماڭىنان تاپتى.
