Qyrǵyz ánshileri Qazaqstannyń shoý-biznesin jaýlai bastady
Onyń bastamasyna qyrǵyzdar arasynda qýanǵandar az bolmady. Syn aitqandar da tabyldy. Qazaqtyń halyq ánin naqyshyna keltirip aityp júr. Tipti beinebaian da túsirip alypty degen áńgime tarady. Noorýzdan suhbat alǵan tilshiler mindetti túrde onyń «kóshirmesi» týraly esine túsirip otyratyn. Degenmen jas ánshi qazaqtyń halyq ánin unatqanyn, sondyqtan mindetti túrde qyrǵyz tilinde oryndaǵysy kelgenin, ári Qazaqstannan ózine qalǵan estelik retinde qabyldaitynyn aitýdan jalyqpady.
– «Kók jótel» áni qyrǵyz tyńdarmandarǵa unady deýge bolady. Telearnalar men radiotolqyndarda az ainaldyrmady. Endi taǵy bir jańa án jazdyrtyp jatyrmyn, ony qazaq jáne qyrǵyz tilderinde oryndaimyn. Múmkindik bolsa, qazaq tyńdarmandarǵa da usynyp kórgim keledi, – deidi qazaq tilin birshama úirengen Noorýz Alymbaev.
Qyrǵyzdyń taǵy bir oryndaýshysy Jumabek Aqbarov byltyr jazda Astanada beinebaian túsiripti. Jas ánshi qyrǵyz ánderine qazaq elinde suranystyń joǵary ekenin aitady.
– Ras, qazaq ánshileri qyrǵyz áriptesteriniń ánderin óz tilinde oryndap keledi. Onda turǵan eshteńe joq. Kerisinshe bizdiń qyrǵyz ánshileri qýanady. Degenmen, keide ruqsat alýdy umytyp ketetinder bar, – deidi ol.
Jas ánshiniń paiymynsha, bastysy, ruqsat alyp, ándi óz deńgeiinde oryndap shyqsa bolǵany.
– Eger meniń ánimdi aýdaryp alyp, shyrqap jatsa, meniń baqyttan basym ainalar edi. Al, Noorýz Alymbaevpen jaqyn tanys emespin. Degenmen, qazaqtyń halyq ánin aýdaryp oryndap júrgenine qýanyp qaldym. Meniń de keide qazaqtyń tamasha ánderin óz tilimde oryndaǵym kelip turady. Árine, quqyq ielenýshisinen ruqsatyn alý keregin bilemin. Qalai desek te, «qazaq-qyrǵyz bir týǵan» dep jatady ǵoi. Menińshe, mundai bastama eki eldi jaqyndastyra túsedi, – deidi Jumabek Aqbarov.
Derekkózi: gonzo.kz
