Saparbaev jas jýrnalisterdiń baspana máselesin sheship bermek
– Saparbaev ýáde berdi, keiin oryndamady dep júrmeńizder. Biraq, jas jýrnalisterge bólme beremiz. Biyl bir jataqhana qurylysy aiaqtalady, ekinshisin kelesi jyly tapsyramyz. Sodan keiin úshinshi jataqhana qurylysy bar. Meniń armanym – jas mamandarǵa kómektesý. Dáriger, muǵalimder, ártister men sportshylardyń baspana máselesin sheship bersek deimin, – deidi oblys basshysy Berdibek Mashbekuly.
«Tilshiniń» habarlaýynsha, óńir basshysy Aqtóbe oblysynan ózge jaqqa ketip qalǵan jas mamandarmen sóileskenin de jasyrmady.
– Keibirimen tildestim. «Jaǵdaiymyz bolmaǵan soń, ketip qaldyq» deidi. Búginde oblysta bilim, meditsinalyq klaster qalyptastyryp jatyrmyz. Al ol úshin jas mamandar kerek-aq. Árine, máseleni búgin-erteń sheship beremin demeimin, – deidi Berdibek Saparbaev.
Jalpy, jýrnalisterdiń úi-jaiy týraly másele byltyr da, biyl jyl basynda da kóterildi. Jeltoqsan aiynda osy saýaldy belgili jýrnalist Meiramgúl Sataeva qoiǵan bolatyn. Keiin oblys basshysy «RIKA» mediaholdinginiń ujymymen kezdeskende áriptesimiz Dinara Janalina da qozǵady.
Respýblikalyq «Jas alash» gazetiniń Aqtóbe oblysyndaǵy menshikti tilshisi Baian Sársembinanyń aitýyna qaraǵanda, aqtóbelik jas tilshilerdiń «basynan sipap, qamqorlyq tanytyp» jatqan eshkim joq.
– Aqtóbe oblysynda jas jýrnalister legi qalyptasty. Qazir olardyń orta jasy otyzdan asyp barady. Kóbisiniń jaǵdailary bolmaǵandyqtan ketip jatyr. Telekompaniialar men gazetterde basshylary eshqandai jaǵdai jasaǵan joq. Olardyń mańdaiyn sipamaǵannan keiin, kómektesip jibermegen soń, kópshiligi Almaty, Astana qalalaryna ketti. Erbol Seiilhan, Áliia Talasova, Aigúl Jubanysh talantty kadrlar ketip qaldy, – deidi Baian Sársembina.
Aǵa býyn jýrnalistiń paiymynsha, búginde Aqtóbe jýrnalistikasynda baspana máselesinen ózge, kadr máselesi de ózekti. «Jýrnalist daiarlaityn oqý ordasy da joq, ol úrdis áldeqashan toqtap qaldy» deidi Baian Sársembina.
Asqar Aqtileý
