Ál-Farabi atyndaǵy Qazaq ulttyq ýniversitetiniń ǵalymdary tómengi sortty kómirdi paidalana otyryp biotyńaitqysh ázirlep shyǵardy, – dep habarlaidy Dalanews.kz Ál-Farabi atyndaǵy QazUÝ-dyń Baspasóz qyzmeti silteme jasap.
Qazaq-Nemis-Qytai halyqaralyq qoldanbaly mikrobiologiia ǵylymi zerthanasynyń mamandary júzege asyrǵan jobanyń basty maqsaty – elimizdegi ózekti máselelerdiń biri – topyraqtyń tuzdanýyn qalypqa keltirý jáne tómengi sapasyz kómirdi kádege jaratý.
Ǵalymdar ónimdi suiyq jáne untaq kúiinde shyǵarady. Biologiialyq tyńaitqysh daqyldardyń ónimdiligin arttyryp qana qoimai, adamdar men qorshaǵan ortaǵa eshqandai ziianyn tigizbeidi.
– Topyraqtyń tuzdanýy álem boiynsha ekologiialyq másele bolyp tabylady, iaǵni topyraqtyń tuzdanýy adam densaýlyǵy men ósimdiktiń ónimdiligine keri áser etedi.
Búgingi tańda ózekti máseleni joiý úshin túrli himiialyq ádister qoldanylady. Degenmen bul ádis tiimdi nátije kórsetkenimen, qorshaǵan ortaǵa ziian keltiredi.
Al bizdiń daiyndaǵan biologiialyq ónim tek ekonomikalyq turǵydan emes, sonymen qatar aýyl sharýashylyǵy salasy úshin de qaýipsiz jáne tiimdi. Tuzdanǵan jáne qarapaiym topyraqta mikroorganizmderdiń qalypty mikroflorasy bolady. Biz sol mikroflorany bólip alyp, solardyń kómegimen tómengi sapaly kómirdi biosoliýbilizatsiialaý arqyly gýmindi zat bólip alyp, alynǵan ónimdi tyńaitqysh retinde engizemiz.
Keiin tyńaitqyshty tuzdanǵan topyraqpen aralastyrǵanda oń nátije beredi. Demek, topyraqtaǵy tuzdyń kontsentratsiiasy azaiyp, qalypty normaǵa keltiriledi, – deidi QazUÝ-dyń kishi ǵylymi qyzmetkeri Bekzat Kamenov.
Ǵalymdar atalǵan ǵylymi jobany naryqqa shyǵarýdy kózdep otyr. Búgingi tańda zerthana mamandary ónimge patent alý jáne kommertsiialandyrý boiynsha jumystardy júrgizýde.
