Túrkistan oblysynda jantúrshigerlik oqiǵa boldy. 56 jastaǵy er adam aldymen áielin balǵamen uryp óltirip, artynsha ózine qol jumsaǵan. Aldyn ala málimetter boiynsha, qaiǵyly jaǵdaiǵa erli-zaiyptylar arasyndaǵy janjal sebep bolǵan,- dep habarlaidy Dalanews.kz
Qandy qylmys Sairam aýdanyndaǵy Qaramurt aýylynda bolǵan. Áieldiń denesin alǵash bolyp balalary kórgen. Marqumnyń jasy 45-te edi.
Marqumnyń týystarynyń aitýynsha, áieldiń denesinde aýyr jaraqattar bolǵan, beti men denesi soqqydan qatty zaqymdanǵan. Oqiǵa ornynan balǵa tabylǵan. Al kúdikti kúieýiniń denesi sál keiinirek aýladaǵy ájethanada asýly kúiinde tabyldy.
Oqiǵaǵa deiin ol aýdiojazba qaldyryp ketken. Onda áielin qyzǵanyshtan óltirgenin aitqan. Alaida marqumnyń jaqyndary bul aiyptaýdy joqqa shyǵaryp otyr. Olardyń sózinshe, marqum eshqashan opasyzdyq jasamaǵan, kerisinshe kúieýi jumys istemei, jii janjal shyǵaryp júrgen.
- Qazirgi ýaqytta sotqa deiingi tergeý amaldary júrgizilip, oqiǵanyń barlyq mán-jailaryn anyqtaýǵa baǵyttalǵan qajetti is-sharalar atqarylýda. Tergeý barysy Politsiia departamenti basshylyǵynyń qatań baqylaýynda. QR QPK-niń 201-babyna sáikes tergeý múddesindegi ózge de aqparattar jariia etýge jatpaidy, - dep habarlady Túrkistan oblysynyń PD baspasóz qyzmeti.
Erli-zaiyptylardyń tórt balasy (eń úlkeni – 13 jasta, eń kishisi – 4 jasta) ýaqytsha beiimdeý ortalyǵyna ornalastyryldy.
