Memleket basshysy Qasym-Jomart Toqaevtyń tapsyrmasymen 2023 jyly bastalǵan "Keleshek mektepteri" ulttyq jobasy Qazaqstandaǵy úsh aýysymdy oqytý jáne mekteptegi oryn tapshylyǵy máselelerin sheshýdiń mańyzdy qadamy boldy. Eki jyl ishinde baǵdarlama aiasynda Qazaqstan boiynsha zamanaýi bilim berý keshenderiniń aýqymdy qurylysy júzege asyp jatyr.
Integra Construction KZ kompaniiasy jobanyń merdigerleriniń biri bolyp, óz tiimdiligin dáleldedi. 2024 jyly Astana qalasynda, Túrkistan jáne Aqmola oblystarynda, sondai-aq, Taraz qalasynda 6 jańa mektep paidalanýǵa berildi. Bul bilim oshaqtary 12 myń oqýshyǵa bir aýysymda bilim alýǵa múmkindik berip, synyptardyń shamadan tys tolýyn azaityp, balalarǵa qaýipsiz ári keń jaǵdai jasady.
Búginde Integra kompaniiasynyń qorjynynda 13 mektep bar, jalpy syiymdylyǵy – 20 600 oryn. 2025 jyldyń sońyna deiin Qyzylorda men Astanada taǵy eki nysan ashylady. Bul qosymsha 3 500 oqýshyny bir aýysymda halyqaralyq standarttarǵa sai jabdyqtalǵan jańa mektepterge ornalastyrýǵa múmkindik beredi.
Jańa mektepterdiń basty ereksheligi – olardyń zamanaýi ári oilastyrylǵan infraqurylymy. Munda:
-
fizika, himiia, biologiia zerthanalary,
-
robototehnika, STEM jáne IT kabinetteri,
-
sport zaldary, kitaphanalar, akt zaldary,
-
keń ashanalar bar.
Inkliýziv bilimge erekshe nazar aýdarylǵan: erekshe bilim berý qajettiligi bar balalarǵa arnalǵan kabinetter, qozǵalysy shekteýli toptar úshin arnaiy aimaqtar qarastyrylǵan. Oqýshylardyń qaýipsizdigi men jailylyǵyn zamanaýi kúzet jáne tehnikalyq júieler qamtamasyz etedi. Bul - ǵimarat qana emes, balalardyń sapaly bilim alyp, úilesimdi damýyna barlyq jaǵdai jasalǵan keńistik.
"Memleket basshysy bastaǵan "Keleshek mektepteri" ulttyq jobasy Qazaqstandaǵy bilim berý júiesiniń damýyna jańa serpin berdi. Biz 13 mektep salyp, jyl sońyna deiin taǵy eki nysandy paidalanýǵa beretinimizdi maqtan etemiz. Qysqa merzimde sapany joǵaltpai, zamanaýi mektepter salý – bizdiń basty jetistigimiz. Búginde bul mektepter synyptardyń júktemesin azaityp, balalarǵa jaily bilim alýǵa jaǵdai jasap otyr", - dedi Integra qadaǵalaý keńesiniń tóraǵasy Qudiret Shamiev.
"Keleshek mektepteri" jobasynyń júzege asýy – zamanaýi ári sapaly mektepterdi qysqa merzimde salý múmkin ekeniniń dáleli. Mundai bilim ordalary elimizdiń bilim berý júiesin jańǵyrtýdyń mańyzdy bóligine ainalyp, balalarǵa jańa múmkindikter ashyp otyr.
