Astanada QR Týrızm jáne sport mınıstrliginde qoǵamdyq keńestiń kezekti otyrysy ótti. Kezdesý barysynda 2026 jyly Italıada ótetin qysqy Olımpıada oıyndaryna ulttyq quramanyń daıyndyǵy máselesin talqylady, dep habarlaıdy Dalanews.kz
Resmı derekke sáıkes, Qazaqstan Olımpıadaǵa sporttyń 10 túri boıynsha qatysýdy kózdep otyr. Jalpy sany 35-ke jýyq sportshy iriktelýi múmkin. Qazirgi ýaqytta mánerlep syrǵanaý, short-trek jáne kónkımen júgirý baǵyttary boıynsha 23 joldama bar.
Jıyn barysynda Týrızm jáne sport mınıstrliginiń Dene shynyqtyrý jáne sport isteri komıteti tóraǵasynyń orynbasary Nurlan Esembaev daıyndyq jumystaryna jumsalǵan qarajat kólemine toqtaldy. Onyń málimdeýinshe, 2025 jyly qysqy Olımpıadaǵa ázirlik úshin 13,2 mlrd teńge baǵyttalǵan. Atalǵan somanyń 585 mln teńgesi sport federasıalarynyń qarajaty bolsa, 5,3 mlrd teńge respýblıkalyq búdjetten, 6,2 mlrd teńge jergilikti búdjetterden bólingen. Al Týrızm jáne sport ındýstrıasyn qoldaý qory 812,5 mln teńge kóleminde qarjy bólgen.
Sondaı-aq, Olımpıada oıyndarynyń ashylý rásiminde Qazaqstan Respýblıkasynyń Memlekettik týyn Denıs Nıkısha men Iana Han alyp shyǵatyny habarlandy.
