Qarjy vıse-mınıstri Erjan Birjanovtyń aıtýynsha, keıbir azamattar memleketten qosymsha áleýmettik tólem alý úshin jalǵan kelisimder jasap, tipti resmı túrde ajyrasýǵa deıin baratyn jaǵdaılar kezdesedi. Sol sebepti áleýmettik tólem alýshylardy tekserý tetikteri kúsheıtilmek, dep habarlaıdy Dalanews.kz.
"Áleýmettik kómek naqty muqtaj jandarǵa baǵyttalýy tıis. Ókinishke qaraı, ony teris paıdalanatyndar bar. Jalǵan mámileler jasaıtyndar, tipti jalǵan ajyrasatyndar da az emes", — dedi Birjanov.
Onyń sózinshe, mundaı jaǵdaılar anyqtalǵan kezde tólemder toqtatylyp, qarjy shynymen áleýmettik qoldaýǵa muqtaj azamattarǵa qaıta baǵyttalady.
Sonymen qatar 2026 jyly respýblıkalyq búdjetten áleýmettik salaǵa 10,5 trln teńge bólinýi josparlanyp otyr.
