قارجى ۆيسە-مينيسترى ەرجان ءبىرجانوۆتىڭ ايتۋىنشا، كەيبىر ازاماتتار مەملەكەتتەن قوسىمشا الەۋمەتتىك تولەم الۋ ءۇشىن جالعان كەلىسىمدەر جاساپ، ءتىپتى رەسمي تۇردە اجىراسۋعا دەيىن باراتىن جاعدايلار كەزدەسەدى. سول سەبەپتى الەۋمەتتىك تولەم الۋشىلاردى تەكسەرۋ تەتىكتەرى كۇشەيتىلمەك، دەپ حابارلايدى Dalanews.kz.
"الەۋمەتتىك كومەك ناقتى مۇقتاج جاندارعا باعىتتالۋى ءتيىس. وكىنىشكە قاراي، ونى تەرىس پايدالاناتىندار بار. جالعان مامىلەلەر جاسايتىندار، ءتىپتى جالعان اجىراساتىندار دا از ەمەس"، — دەدى ءبىرجانوۆ.
ونىڭ سوزىنشە، مۇنداي جاعدايلار انىقتالعان كەزدە تولەمدەر توقتاتىلىپ، قارجى شىنىمەن الەۋمەتتىك قولداۋعا مۇقتاج ازاماتتارعا قايتا باعىتتالادى.
سونىمەن قاتار 2026 جىلى رەسپۋبليكالىق بيۋدجەتتەن الەۋمەتتىك سالاعا 10،5 ترلن تەڭگە ءبولىنۋى جوسپارلانىپ وتىر.
