Almaty qalasynyń turǵyny áleýmettik jelide 17 jastaǵy múmkindigi shekteýli qyzyn sheteldik azamat zorlamaq bolǵanyn málimdedi, dep habarlaidy Dalanews.kz Kop soz basylymyna silteme jasap.
Anasynyń aitýynsha, oqiǵa 4 kún buryn, qyz emtihannan keiin úiine qaityp kele jatqan kezde bolǵan.
«Qazirgi ýaqytta maǵan elshilik pen politsiia tarapynan qysym kórsetilip jatyr, olar aqsha usynyp, aýyr dertke shaldyqqan qyzymnyń ar-namysyn satýdy jáne isti jabýdy talap etýde. Onyń áreketterinen basqa da jábirlenýshiler bar, biraq olar – eresek áielder», –dedi almatylyq áiel.
Almaty qalalyq politsiia departamentiniń habarlaýynsha, kúdiktiniń Úndistan azamaty ekeni anyqtalyp, ol ustalǵan. Qazirgi ýaqytta oqiǵanyń barlyq mán-jaiy anyqtalyp jatyr.
