Shymkentte 21 jasqa tolmaǵan azamatqa energetikalyq sýsyn satqan dúken qyzmetkerine 216 250 teńge aiyppul salyndy, dep habarlaidy dalanews.kz sottyń baspasóz qyzmetine silteme jasap.
Oqiǵa 2026 jylǵy 8 qyrkúiekte Shymkent qalasyndaǵy Tassai turǵyn alabynda ornalasqan azyq-túlik dúkeninde bolǵan.
Isti Shymkent qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty qarady.
Sot málimetinshe, satýshynyń kinási onyń óz moiyndaýymen, bergen túsiniktemesimen jáne politsiia qyzmetkerleri rásimdegen zattai dáleldemelerdi alý aktisimen rastalǵan.
Sot otyrysynda er adam jasaǵan áreketine ókinetinin aityp, jazasyn jeńildetýdi suraǵan.
Alaida sot istiń mán-jaiyn eskere otyryp, ony Ákimshilik quqyq buzýshylyq týraly kodekstiń 423-1-babynyń 1-bóligi boiynsha kináli dep tanyp, 216 250 teńge kóleminde aiyppul saldy.
Sot qaýlysy ázirge zańdy kúshine engen joq.
Aita keteiik, Qazaqstanda 21 jasqa tolmaǵan adamdarǵa energetikalyq sýsyndardy satýǵa tyiym salynǵan.
