Qazaqstan Prezidenti Qasym-Jomart Toqaev Pákistannyń Peshavar qalasynda mektep shatyrynyń opyrylýy saldarynan kóptegen adamnyń qaza tabýyna bailanysty Premer-ministr Shahbaz Sharifke kóńil aitý jedelhatyn joldady, dep habarlaidy dalanews.kz.
Memleket basshysy qaiǵyly oqiǵaǵa bailanysty Pákistan halqynyń qaiǵysyna ortaqtasyp, qaza tapqandardyń otbasylary men jaqyndaryna kóńil aitty.
Sondai-aq Prezident zardap shekken azamattardyń tezirek saýyǵyp ketýine tilektestigin bildirdi.
Aita keteiik, Pákistannyń Peshavar qalasynda mektep ǵimaratynyń shatyry opyrylyp, saldarynan kóptegen adam qaza tapqan. BBC málimetinshe, qaiǵyly oqiǵa jekemenshik «Ál-Hair» bilim berý ortalyǵynda bolǵan. Mektep shatyrynyń opyrylýy saldarynan keminde 34 adam qaza tapqan. Olardyń 33-i – balalar, bireýi – muǵalim. Qaza tapqan jáne jaraqat alǵan balalardyń jasy 6 men 12 aralyǵynda. Mektepten 20 oqýshy evakýatsiialanǵan, onyń úsheýi aýyr jaraqatpen aýrýhanada jatyr. Qutqarýshylar úiindi astynda áli de balalar bolýy múmkin ekenin aitady. Oqiǵanyń naqty sebebi ázirge anyqtalǵan joq.
