Tanymal ánshi Móldir Áýelbekova qazaq estradasynyń jaryq juldyzy Meirambek Bespaevty 50 jas mereitoiymen quttyqtady. Óner iesi mereitoilyq kontsertte ánshimen birge sahnaǵa shyǵyp, erekshe yqylasyn bildirdi, dep habarlaidy dalanews.kz.
Meirambek Bespaev 50 jasqa tolýyna orai jeke shyǵarmashylyq keshin ótkizdi. Mereitoilyq kontsertte ónerdegi áriptesteri bas qosyp, ánshige qurmet kórsetti.
Solardyń qatarynda Móldir Áýelbekova da boldy. Ol Meirambek Bespaevpen birge sahnada án shyrqap, erekshe sátterdi áleýmettik jelidegi paraqshasynda bólisti.
"Án aǵam, jan aǵam mereitoiyńyzben", – dep jazdy Móldir Áýelbekova Instagram paraqshasynda.
Meirambek Bespaev kim?
Meirambek Bespaev – qazaqstandyq tanymal ánshi, "MýzART" tobynyń múshesi, Qazaqstannyń eńbek sińirgen qairatkeri.
Ol qazaq estradasynda ózindik oryndaýshylyq mánerimen tanylyp, kóptegen lirikalyq ánderdi halyqqa keńinen tanytty.
Ánshi jeke shyǵarmashylyǵymen qatar "MýzART" tobynyń quramynda óner kórsetip, qazaq mýzykasynyń damýyna úles qosyp keledi.
