Алматы қаласының тұрғыны әлеуметтік желіде 17 жастағы мүмкіндігі шектеулі қызын шетелдік азамат зорламақ болғанын мәлімдеді, деп хабарлайды Dalanews.kz Kop soz басылымына сілтеме жасап.
Анасының айтуынша, оқиға 4 күн бұрын, қыз емтиханнан кейін үйіне қайтып келе жатқан кезде болған.
«Қазіргі уақытта маған елшілік пен полиция тарапынан қысым көрсетіліп жатыр, олар ақша ұсынып, ауыр дертке шалдыққан қызымның ар-намысын сатуды және істі жабуды талап етуде. Оның әрекеттерінен басқа да жәбірленушілер бар, бірақ олар – ересек әйелдер», –деді алматылық әйел.
Алматы қалалық полиция департаментінің хабарлауынша, күдіктінің Үндістан азаматы екені анықталып, ол ұсталған. Қазіргі уақытта оқиғаның барлық мән-жайы анықталып жатыр.
