Túrkistanda politseiler 8,5 million teńge shyǵyn keltirgen urlyqtyń betin ashty, dep habarlaidy Dalanews.kz.
Túrkistanda politseiler páter urlyǵy deregin der kezinde anyqtap, qylmystyń betin ashty. Politsiia basqarmasyna jergilikti turǵyn aryzdana otyryp, óz úiinen altyn buiymdary men qarajatynyń urlanyp jatqanyn habarlaǵan.
Aryz túse salysymen tájiribeli jedel ýákilderden arnaiy top qurylyp, barlyq qajetti is-sharalar jedel túrde júzege asyryldy. Júrgizilgen jedel-izdestirý jumystary barysynda kúdikti retinde jábirlenýshiniń kelini anyqtaldy. Ol biyl mamyr aiynan beri úiden túrli mólsherdegi altyn áshekeiler men qolma-qol aqshany jasyryn túrde urlap kelgen.
Jábirlenýshige keltirilgen jalpy materialdyq shyǵyn 8 500 000 teńgeni qurady. Kúdikti urlanǵan altyn buiymdardy lombardqa ótkizip, túsken aqshany túgeldei qumar oiyndaryna jumsaǵan. Qazirgi tańda atalǵan derek boiynsha sotqa deiingi tergeý júrgizilýde.
