Qazaqstannyń Qarjy ministrligi mobildi aýdarymdar sany men somasy shekten asqan jaǵdaida avtomatty túrde aiyppul nemese sanktsiialar qoldanylmaitynyn habarlady, dep jazdy Dalanews.kz.
Qarjy vitse-ministri Erjan Birjanovtyń aitýynsha, eger bir adam 100-den kóp aýdarym jasap, jalpy somasy 1 mln teńgeden asyp ketse, salyq organdary aldymen túsinikteme surap, habarlama jiberedi.
"Biz árdaiym aiyppul qoldanbaitynymyzdy aityp kelemiz. Aldymen habarlama jiberip, túsinikteme berý múmkindigin beremiz. Múmkin, osydan keiin salyq tóleýshi ózdiginen jeke kásipker retinde tirkelý týraly ótinish beredi", – dedi Birjanov.
Habarlamaǵa jaýap bolmaǵan jaǵdaida, memlekettik kirister organdary salyqtyq teksere bastaýǵa quqyly. Tekserý qorytyndysynda rastalǵan buzýshylyqtar anyqtalsa, salyq mindettemeleri esepteledi.
"Tek salyqtyq tekserý barysynda barlyq qujat qaralǵan soń ǵana salyqtar esepteledi jáne salyq tóleýshige talap qoiylady. Eger ol somany tólemese, materialdar sot oryndaýshysyna jiberiledi, sheshimdi tek sot oryndaýshysy qabyldaidy", – dep túsindirdi vitse-ministr.
Sonymen qatar ol jaqyn týystar arasyndaǵy aýdarymdardyń salyq organdary tarapynan shara qoldanýǵa negiz bolmaitynyn atap ótti.
