قازاقستاننىڭ قارجى مينيسترلٸگٸ موبيلدٸ اۋدارىمدار سانى مەن سوماسى شەكتەن اسقان جاعدايدا اۆتوماتتى تٷردە ايىپپۇل نەمەسە سانكتسييالار قولدانىلمايتىنىن حابارلادى, دەپ جازدى Dalanews.kz.
قارجى ۆيتسە-مينيسترٸ ەرجان بٸرجانوۆتىڭ ايتۋىنشا, ەگەر بٸر ادام 100-دەن كٶپ اۋدارىم جاساپ, جالپى سوماسى 1 ملن تەڭگەدەن اسىپ كەتسە, سالىق ورگاندارى الدىمەن تٷسٸنٸكتەمە سۇراپ, حابارلاما جٸبەرەدٸ.
"بٸز ەردايىم ايىپپۇل قولدانبايتىنىمىزدى ايتىپ كەلەمٸز. الدىمەن حابارلاما جٸبەرٸپ, تٷسٸنٸكتەمە بەرۋ مٷمكٸندٸگٸن بەرەمٸز. مٷمكٸن, وسىدان كەيٸن سالىق تٶلەۋشٸ ٶزدٸگٸنەن جەكە كەسٸپكەر رەتٸندە تٸركەلۋ تۋرالى ٶتٸنٸش بەرەدٸ", – دەدٸ بٸرجانوۆ.
حابارلاماعا جاۋاپ بولماعان جاعدايدا, مەملەكەتتٸك كٸرٸستەر ورگاندارى سالىقتىق تەكسەرە باستاۋعا قۇقىلى. تەكسەرۋ قورىتىندىسىندا راستالعان بۇزۋشىلىقتار انىقتالسا, سالىق مٸندەتتەمەلەرٸ ەسەپتەلەدٸ.
"تەك سالىقتىق تەكسەرۋ بارىسىندا بارلىق قۇجات قارالعان سوڭ عانا سالىقتار ەسەپتەلەدٸ جەنە سالىق تٶلەۋشٸگە تالاپ قويىلادى. ەگەر ول سومانى تٶلەمەسە, ماتەريالدار سوت ورىنداۋشىسىنا جٸبەرٸلەدٸ, شەشٸمدٸ تەك سوت ورىنداۋشىسى قابىلدايدى", – دەپ تٷسٸندٸردٸ ۆيتسە-مينيستر.
سونىمەن قاتار ول جاقىن تۋىستار اراسىنداعى اۋدارىمداردىڭ سالىق ورگاندارى تاراپىنان شارا قولدانۋعا نەگٸز بولمايتىنىن اتاپ ٶتتٸ.
