Aqmola oblysy Jaqsy aýdanyna qarasty Podgornoe aýylyndaǵy mal sharýashylyǵy qojalyǵynyń aýmaǵynda qaiǵyly oqiǵa tirkeldi, dep habarlaidy Dalanews.kz "sinegor.kz"- ke silteme jasap.
Aldyn ala aqparat boiynsha, 25 jeltoqsan kúni traktor júrgizýshisi kásiporynda eńbek etip júrgen 56 jastaǵy jumysshyny qaǵyp ketken. Aýyr jaraqat alǵan er adam aýrýhanaǵa jetkizilgenimen, dárigerler onyń ómirin saqtap qala almady.
Atalǵan derek boiynsha adam ólimine ákep soqqan jazataiym oqiǵa faktisimen qylmystyq is qozǵalyp, sotqa deiingi tergeý bastaldy. Qazirgi ýaqytta oqiǵanyń sebepteri men mán-jaiy anyqtalyp jatyr.
Aqmola oblysy Memlekettik eńbek inspektsiiasy departamentiniń málimetinshe, jazataiym oqiǵa týraly habarlama jumys berýshiden 26 jeltoqsanda kelip túsken. Osyǵan bailanysty arnaiy buiryq shyǵarylyp, tergeý komissiiasy qurylǵan.
Óńirlik politsiia aýyl sharýashylyǵy salasyndaǵy kásiporyn basshylary men qyzmetkerlerin eńbek qaýipsizdigi talaptaryn qatań saqtaýǵa shaqyrdy. Ásirese arnaiy tehnikanyń tehnikalyq jaǵdaiyna, eskertý dabyldarynyń jumys isteýine jáne óndiristik aýmaqta qaýipsiz qozǵalysty qamtamasyz etýge basa nazar aýdarý qajettigi aityldy.
