Qaraǵandy oblysynyń ishki saiasat basqarmasy Balqash qalasy prokýratýrasynyń qoldaýymen «BALKHASH TOUR FEST» festivali aiasynda quqyqtyq kvest uiymdastyrdy, dep habarlaidy dalanews.kz.
Sharanyń basty maqsaty – jastardyń quqyqtyq saýattylyǵyn arttyrý jáne «Zań men tártip» qaǵidatyn nasihattaý.
Shara qalanyń belsendi jastary men festival qonaqtarynyń basyn qosty. Qatysýshylar interaktivti formatta zańnama boiynsha bilimderin synap, jańa daǵdylar igerdi jáne quqyqtyq mádenietin shyńdaýǵa múmkindik aldy.
Kvest aiasynda prokýratýra, politsiia jáne Tótenshe jaǵdailar basqarmasy ókilderiniń qatysýymen arnaiy taqyryptyq stantsiialar quryldy. Ár lokatsiiada qatysýshylar quqyqtyq saýattylyq, qaýipsizdik, alaiaqtyqqa qarsy is-qimyl, quqyq buzýshylyqtyń aldyn alý jáne tótenshe jaǵdailardaǵy is-áreketterge bailanysty tájiribelik tapsyrmalardy oryndap, suraqtarǵa jaýap berdi jáne túrli jaǵdaiattyq keisterdi sheshti.
Uiymdastyrýshylar mundai interaktivti format quqyqtyq aǵartý protsesin jastar úshin qoljetimdi ári qyzyqty ete túsken, sondai-aq, azamattyq jaýapkershilik pen zańǵa degen qurmet sezimin qalyptastyrýǵa septigin tigizgenin aitady.
Balqash qalasy prokýratýrasynyń ókilderi atap ótkendei, mundai sharalar quqyq buzýshylyqtyń aldyn alýdyń tiimdi quraly bolyp tabylady jáne óskeleń urpaqtyń boiynda ornyqty quqyqtyq bilim men qaýipsiz minez-qulyq daǵdylaryn qalyptastyrýǵa kómektesedi.
Budan bólek, festival qonaqtary úshin Balqash qalasy politsiiasy men Tótenshe jaǵdailar basqarmasy qyzmetkerleriniń qatysýymen kórme alańy uiymdastyryldy.
Kelýshilerdiń nazaryna quqyq qorǵaý organdary men qutqarý qyzmetteriniń arnaiy jabdyqtary men tehnikalary, politsiia motopatrýli, arnaiy jasaq sarbazynyń jaraqtary, sondai-aq, zamanaýi avariialyq-qutqarý tehnikalary usynyldy.
Quqyqtyq kvest qorytyndysy boiynsha qatysýshylarǵa estelik syilyqtar tabystaldy.
