2026-2027 jylǵy jylytý maýsymyna daiyndyq aiasynda Óskemende halyqty áleýmettik kómirmen qamtamasyz etý týraly úshjaqty memorandým jasaldy, dep habarlaidy dalanews.kz yk.kz-ke siltep.
Qujatqa sáikes qala turǵyndaryna 30 myń tonna áleýmettik kómir jetkizý josparlanǵan. Kómir áleýmettik baǵamen qalanyń úsh kómir tuiyǵy arqyly satylady. Áleýmettik kómirdi myna uiymdardan satyp alýǵa bolady:
- "Seikom" JShS - "Qarajyra" kómiri;
- "Ýgol-Dostyq" JShS - "Maikúbi" kómiri;
- "Toplivnaia kompaniia Terminal" JShS - "Qarajyra" kómiri.
Qazirgi kommertsiialyq kómir baǵasy:
- "Qarajyra" kómiri ("Seikom" JShS) - tonnasy 17 400 teńge;
- "Qarajyra" kómiri ("Toplivnaia kompaniia Terminal" JShS) - tonnasy 17 500 teńge;
- "Maikúbi" kómiri ("Ýgol-Dostyq" JShS) - tonnasy 17 500 teńge.
Áleýmettik kómir kommertsiialyq baǵadan 500 teńgege arzan satylady. Áleýmettik kómir satyp alýǵa ótinishter aýmaqtyq basqarý ortalyqtarynyń filialdary arqyly qabyldanady.
Óskemen ákimdigi jeke turǵyn úi ielerin aldaǵy jylytý maýsymyna qajet kómir qoryn aldyn ala daiyndaýǵa shaqyrdy. Bul maýsymdyq suranys kúrt artýyna jol bermei, jylytý kezeńinen turaqty ótýge múmkindik beredi.
