Májilis depýtaty Azat Perýashev memlekettik qupiiaǵa qol jetkize alatyn tulǵalardyń, onyń ishinde burynǵy joǵary laýazymdy memlekettik qairatkerlerdiń shetelge shyǵý tártibi zańnamada naqty belgilengenin aitty, dep habarlaidy Dalanews.kz.
Onyń pikirinshe, mundai sanatqa jatatyn azamattar shetelge shyqqan kezde ýákiletti organdardy belgilengen merzimde habardar etýge mindetti. Atap aitqanda, sapardyń maqsaty, josparlanǵan halyqaralyq kezdesýler jáne sol kezdesýlerde talqylanýy múmkin taqyryptar týraly aqparat berilýi qajet deidi ol Ainur Koskinaǵa bergen jaýabynda.
Sondai-aq Perýashev Qazaqstannyń tuńǵysh prezidenti Nursultan Nazarbaevtyń Resei prezidenti Vladimir Pýtinmen jabyq formatta kezdesý ótkizýi suraq týǵyzatynyn atap ótti. Depýtattyń aitýynsha, bul kezdesý buqaralyq aqparat quraldarynda keńinen jariialanǵanymen, onyń mazmuny qoǵamǵa ashyq bolmaǵan.
Májilismen mundai deńgeidegi memlekettik tulǵalar arasyndaǵy kezdesýlerde «jeke másele» bolýy múmkin emes ekenin alǵa tartty. Onyń sózinshe, mundai áńgimelerdiń barlyǵy memleketaralyq qatynastarǵa qatysty jáne osyndai formattaǵy kelissózderdi tek Qazaqstannyń qoldanystaǵy prezidenti júrgizýi tiis.
Azat Perýashev bul máselege qatysty respýblikanyń ýákiletti organdary tarapynan resmi reaktsiia bolady dep kútetinin málimdedi.
