Bishkekte bloger Akýma Qyrǵyzstan prezidenti Sadyr Japarovpen birge túskendei etip, jasandy intellekt kómegimen jasalǵan sýreti úshin aiyppul arqalady, dep habarlaidy Dalanews.kz.
Bul sýret áleýmettik jelilerde keńinen taraǵan soń, oqiǵaǵa Bishkek qalalyq politsiiasy nazar aýdarǵan. Quqyq qorǵaý organdary blogerdi anyqtap, ony Oktiabr aýdandyq sotyna jetkizdi. Sot sheshimimen oǵan 5 500 som, iaǵni 32 myń teńgeden astam aiyppul salyndy.
Qyrǵyzstandyq advokat Sherdor Abdykaparov sottyń bul sheshimin jumsaq dep baǵalady. Onyń aitýynsha, mundai sýretter mazaq etý retinde qarastyrylyp, qatań jaýapkershilikke tartýǵa da negiz bolýy múmkin.
