Vladimir Pýtin men Donal Tramp jaqyn ýaqytta telefon arqyly sóilesedi. Bul týraly Resei prezidentiniń baspasóz hatshysy Dmitrii Peskov málimdedi, dep habarlaidy Dalanews.kz.
Onyń aitýynsha, Kreml ázirge Ýkraina prezidenti Vladimir Zelenskii men AQSh prezidenti Donald Tramp arasyndaǵy áńgimeniń qalai ótkeninen beihabar. Degenmen Peskov Tramptyń «beibitshilik burynǵydan da jaqyndai tústi» degen pikirine qosylatynyn aitty.
Al Vladimir Zelenskii men Vladimir Pýtin arasyndaǵy yqtimal telefon qońyraýyna qatysty áńgime ázirge joq. Peskovtyń sózinshe, bolashaq beibit kelisimniń egjei-tegjeiin talqylaýǵa áli erte.
Buǵan deiin Zelenskii Donald Tramptan uzaqmerzimdi qaýipsizdik kepildikterin suraǵany belgili boldy. Ýkrain prezidenti kepildikterdiń merzimi 30, 40, tipti 50 jylǵa deiin bolǵanyn qalaitynyn aitqan.
"Kepildikterdiń múmkindiginshe uzaq merzimge berilgenin qalar edik. Men oǵan 30, 40, 50 jyldyq nusqany qarastyrýdy suradym", – dep keltiredi Zelenskiidiń sózin «Novosti.live».
Zelenskii mundai sheshim tarihi mańyzǵa ie bolatynyn atap ótti. Sondai-aq onyń aitýynsha, AQSh prezidenti bul usynys týraly oilanýǵa ýáde bergen.
