Astanada QR Týrizm jáne sport ministrliginde qoǵamdyq keńestiń kezekti otyrysy ótti. Kezdesý barysynda 2026 jyly Italiiada ótetin qysqy Olimpiada oiyndaryna ulttyq quramanyń daiyndyǵy máselesin talqylady, dep habarlaidy Dalanews.kz
Resmi derekke sáikes, Qazaqstan Olimpiadaǵa sporttyń 10 túri boiynsha qatysýdy kózdep otyr. Jalpy sany 35-ke jýyq sportshy iriktelýi múmkin. Qazirgi ýaqytta mánerlep syrǵanaý, short-trek jáne konkimen júgirý baǵyttary boiynsha 23 joldama bar.
Jiyn barysynda Týrizm jáne sport ministrliginiń Dene shynyqtyrý jáne sport isteri komiteti tóraǵasynyń orynbasary Nurlan Esembaev daiyndyq jumystaryna jumsalǵan qarajat kólemine toqtaldy. Onyń málimdeýinshe, 2025 jyly qysqy Olimpiadaǵa ázirlik úshin 13,2 mlrd teńge baǵyttalǵan. Atalǵan somanyń 585 mln teńgesi sport federatsiialarynyń qarajaty bolsa, 5,3 mlrd teńge respýblikalyq biýdjetten, 6,2 mlrd teńge jergilikti biýdjetterden bólingen. Al Týrizm jáne sport indýstriiasyn qoldaý qory 812,5 mln teńge kóleminde qarjy bólgen.
Sondai-aq, Olimpiada oiyndarynyń ashylý rásiminde Qazaqstan Respýblikasynyń Memlekettik týyn Denis Nikisha men Iana Han alyp shyǵatyny habarlandy.
