29 jeltoqsanda Ózbekstan Respýblikasynyń Prezidenti Shavkat Mirziioev pen Qazaqstan Respýblikasynyń Tuńǵysh Prezidenti Nursultan Nazarbaev telefon arqyly áńgimelesti, dep habarlaidy Dalanews.kz
Áńgime barysynda Ózbekstan basshysy men Qazaqstannyń Tuńǵysh Prezidenti alda kele jatqan Jańa jylǵa orai bir-birine jyly lebizderin bildirip, eki baýyrlas el halyqtaryna beibitshilik, turaqtylyq pen órkendeý tiledi.
Taraptar Ózbekstan men Qazaqstan arasyndaǵy dostyq, tatý kórshilik, strategiialyq áriptestik jáne odaqtastyq qatynastardyń joǵary deńgeige jetkenin, sondai-aq ózara yntymaqtastyqtyń barlyq negizgi baǵyttar boiynsha júieli ári jan-jaqty damyp kele jatqanyn erekshe qanaǵattanýshylyqpen atap ótti.
