29 جەلتوقساندا وزبەكستان رەسپۋبليكاسىنىڭ پرەزيدەنتى شاۆكات ميرزيويەۆ پەن قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ تەلەفون ارقىلى اڭگىمەلەستى، دەپ حابارلايدى Dalanews.kz
اڭگىمە بارىسىندا وزبەكستان باسشىسى مەن قازاقستاننىڭ تۇڭعىش پرەزيدەنتى الدا كەلە جاتقان جاڭا جىلعا وراي بىر-بىرىنە جىلى لەبىزدەرىن ءبىلدىرىپ، ەكى باۋىرلاس ەل حالىقتارىنا بەيبىتشىلىك، تۇراقتىلىق پەن وركەندەۋ تىلەدى.
تاراپتار وزبەكستان مەن قازاقستان اراسىنداعى دوستىق، تاتۋ كورشىلىك، ستراتەگيالىق ارىپتەستىك جانە وداقتاستىق قاتىناستاردىڭ جوعارى دەڭگەيگە جەتكەنىن، سونداي-اق ءوزارا ىنتىماقتاستىقتىڭ بارلىق نەگىزگى باعىتتار بويىنشا جۇيەلى ءارى جان-جاقتى دامىپ كەلە جاتقانىن ەرەكشە قاناعاتتانۋشىلىقپەن اتاپ ءوتتى.
