Almatyda júrek transplantatsiiasynan ótken patsient aýrýhanadan shyǵaryldy. Bul – qalada alǵash ret jasalǵan júrek aýystyrý otasy, dep habarlaidy Dalanews.kz.
Qalalyq qoǵamdyq densaýlyq saqtaý basqarmasynyń málimetinshe, qarasha aiynda Qalalyq kardiologiialyq ortalyq bazasynda 34 jastaǵy er adamǵa júrek transplantatsiiasy jasalǵan. Qazir onyń jaǵdaiy turaqty.
Naýqas terminaldyq sozylmaly júrek jetkiliksizdigi diagnozymen júrek aýystyrýǵa arnalǵan respýblikalyq kútý paraǵynda turǵan. Donor 50 jastaǵy áiel bolǵan. Ol aýyr arteriialyq gipertenziiadan zardap shegip, insýlt alǵan. ÁielAlmatynyń ortalyq qalalyq klinikalyq aýrýhanasyna shuǵyl jetkizilgenimen, dárigerler ólimin tirkep, qaitys bolǵannan keiin donor bolýǵa múmkindik baryn rastaǵan. Marqumnyń týystary kelisim bergen soń, donorlyq protsess uiymdastyrylǵan.
Júrek transplantatsiiasy bes saǵattan astam ýaqytqa sozylyp, sátti aiaqtalǵan.
Patsient óziniń aýyr jaǵdaiyna energetikalyq sýsyndardy shamadan tys tutyný sebep bolǵanyn aitty.
"Adamdarǵa energetik ishpeńizder dep úndeý jasaǵym keledi. Mende bári dál osy sýsyndardan bastaldy. Aldymen kúnine bir bótelke edi, keiin 8–10 energetikke deiin jetti. Buǵan mán bermedim, aqyry aýyr diagnozǵa tap boldym. Búgin meni aman alyp qalǵan – dárigerler. Endi densaýlyqqa uqypty qaraýdyń qanshalyqty mańyzdy ekenin túsindim", – dedi ol.
Aýrýhanadan shyqqan soń patsient tirkelgen emhanasynda baqylaýda bolady.
