الماتىدا جٷرەك ترانسپلانتاتسيياسىنان ٶتكەن پاتسيەنت اۋرۋحانادان شىعارىلدى. بۇل – قالادا العاش رەت جاسالعان جٷرەك اۋىستىرۋ وتاسى, دەپ حابارلايدى Dalanews.kz.
قالالىق قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, قاراشا ايىندا قالالىق كارديولوگييالىق ورتالىق بازاسىندا 34 جاستاعى ەر ادامعا جٷرەك ترانسپلانتاتسيياسى جاسالعان. قازٸر ونىڭ جاعدايى تۇراقتى.
ناۋقاس تەرمينالدىق سوزىلمالى جٷرەك جەتكٸلٸكسٸزدٸگٸ دياگنوزىمەن جٷرەك اۋىستىرۋعا ارنالعان رەسپۋبليكالىق كٷتۋ پاراعىندا تۇرعان. دونور 50 جاستاعى ەيەل بولعان. ول اۋىر ارتەرييالىق گيپەرتەنزييادان زارداپ شەگٸپ, ينسۋلت العان. ەيەلالماتىنىڭ ورتالىق قالالىق كلينيكالىق اۋرۋحاناسىنا شۇعىل جەتكٸزٸلگەنٸمەن, دەرٸگەرلەر ٶلٸمٸن تٸركەپ, قايتىس بولعاننان كەيٸن دونور بولۋعا مٷمكٸندٸك بارىن راستاعان. مارقۇمنىڭ تۋىستارى كەلٸسٸم بەرگەن سوڭ, دونورلىق پروتسەسس ۇيىمداستىرىلعان.
جٷرەك ترانسپلانتاتسيياسى بەس ساعاتتان استام ۋاقىتقا سوزىلىپ, سەتتٸ اياقتالعان.
پاتسيەنت ٶزٸنٸڭ اۋىر جاعدايىنا ەنەرگەتيكالىق سۋسىنداردى شامادان تىس تۇتىنۋ سەبەپ بولعانىن ايتتى.
"ادامدارعا ەنەرگەتيك ٸشپەڭٸزدەر دەپ ٷندەۋ جاساعىم كەلەدٸ. مەندە بەرٸ دەل وسى سۋسىنداردان باستالدى. الدىمەن كٷنٸنە بٸر بٶتەلكە ەدٸ, كەيٸن 8–10 ەنەرگەتيككە دەيٸن جەتتٸ. بۇعان مەن بەرمەدٸم, اقىرى اۋىر دياگنوزعا تاپ بولدىم. بٷگٸن مەنٸ امان الىپ قالعان – دەرٸگەرلەر. ەندٸ دەنساۋلىققا ۇقىپتى قاراۋدىڭ قانشالىقتى ماڭىزدى ەكەنٸن تٷسٸندٸم", – دەدٸ ول.
اۋرۋحانادان شىققان سوڭ پاتسيەنت تٸركەلگەن ەمحاناسىندا باقىلاۋدا بولادى.
