Qaraǵandy oblysynda poıyz tórt jumysshyny qaǵyp ketken, dep habarlaıdy Dalanews.kz.
10 jeltoqsanda saǵat 17:15-te Moıynty-SHyǵanaq ýchaskesindegi Sheshenqara-Qarajanǵyl aralyǵynda júk poıyzy qozǵalyp kele jatqan kezde mashınıst shuǵyl tejegen. Osy kezde Saryshaǵan stansıasynyń jol brıgadasy relsti aýystyrý boıynsha josparly jumystardy oryndap jatqan.
"Barlyq qajet sharaǵa qaramastan, jazataıym oqıǵanyń aldyn alý múmkin bolmady. Tórt jumysshy jaraqattan kóz jumdy. Oqıǵanyń barlyq mán-jaıy men sebepterin anyqtaý úshin arnaıy komısıa quryldy. Komısıa tekseris júrgizý úshin oqıǵa ornyna jedel attandy", - dep jazylǵan habarlamada.
"Qazaqstan temir joly" UK" AQ málimetinshe, qaza tapqandardyń otbasylaryna qoldaý kórsetiledi.
