Jelide Aqmola oblysynda er adam bir otbasyny óltirip ketkeni týraly habar tarady, dep habarlaıdy Dalanews.kz.

Oqıǵa Aqmola oblysynyń Jibek Joly aýylynda bolǵan, Alaıda polısıa málimetinshe, kisi óltirý oqıǵasyna baılanysty messendjerler men áleýmettik jelilerde túrli boljamdar men shyndyqqa sáıkes kelmeıtin aqparattar taraýda.

Aqmola oblysy Polısıa departamentiniń málimetinshe, atalǵan derek boıynsha qylmystyq is qozǵalǵan. Kúdikti oqıǵa ornynan uzap úlgermeı ustalyp, ýaqytsha ustaý ızolátoryna qamalǵan.

Polısıa azamattardy tek resmı aqparat kózderine ǵana senýge jáne tekserilmegen málimetterdi taratýdan bas tartýǵa shaqyrady. Vedomstvo ókilderi kórineý jalǵan aqparat taratqany úshin Qazaqstan Respýblıkasynyń zańnamasyna sáıkes jaýapkershilik qarastyrylǵanyn eske saldy.