جەلىدە اقمولا وبلىسىندا ەر ادام ءبىر وتباسىنى ءولتىرىپ كەتكەنى تۋرالى حابار تارادى، دەپ حابارلايدى Dalanews.kz.
وقيعا اقمولا وبلىسىنىڭ جىبەك جولى اۋىلىندا بولعان، الايدا پوليسيا مالىمەتىنشە، كىسى ءولتىرۋ وقيعاسىنا بايلانىستى مەسسەندجەرلەر مەن الەۋمەتتىك جەلىلەردە ءتۇرلى بولجامدار مەن شىندىققا سايكەس كەلمەيتىن اقپاراتتار تاراۋدا.
اقمولا وبلىسى پوليسيا دەپارتامەنتىنىڭ مالىمەتىنشە، اتالعان دەرەك بويىنشا قىلمىستىق ءىس قوزعالعان. كۇدىكتى وقيعا ورنىنان ۇزاپ ۇلگەرمەي ۇستالىپ، ۋاقىتشا ۇستاۋ يزولياتورىنا قامالعان.
پوليسيا ازاماتتاردى تەك رەسمي اقپارات كوزدەرىنە عانا سەنۋگە جانە تەكسەرىلمەگەن مالىمەتتەردى تاراتۋدان باس تارتۋعا شاقىرادى. ۆەدومستۆو وكىلدەرى كورىنەۋ جالعان اقپارات تاراتقانى ءۇشىن قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىك قاراستىرىلعانىن ەسكە سالدى.
