Jol apatynan qaza tapqan qyzdyń otbasy sportshy Shavkat Rahmonovtyń jubaiyn keshirdi, dep habarlaidy Dalanews.kz.
Qazaqparat málimetinshe, qaza tapqan qyzdyń ákesi sotta qaiǵyly jaǵdaidy keshki ýaqytta ǵana estigenderin aitty. Onyń sózinshe, Almatydaǵy úilerine aiyptalýshynyń týystary men taǵy bir qaza tapqan qyzdyń anasy kelgen. Olar keshirim surap kelgen.
Aiyptalýshynyń týystary marqumnyń denesin Jambyl oblysynan tasymaldaýǵa kómektesip, jerleý rásimine qatysty keibir sharýalardy óz moiyndaryna alǵan.
Sottyń suraǵyna jaýap bergen er adam aiyptalýshyny keshiretinin jetkizdi:
«Bul jol. Onda ne bolaryn eshkim bilmeidi», deidi marqumnyń ákesi.
Qaza tapqan áieldiń artynda 2006 jyly týǵan uly qalǵan.
Aita keteiik, jábirlenýshi taraptyń quqyǵyn advokat Meiirman Shekeev qorǵaidy.
Eske salaiyq, Gúlaiym Rahmonova men onyń uly 2025 jyly 27 shildede jol apatyna túsken edi.
Politsiianyń málimetinshe, respýblikalyq mańyzy bar Almaty–Ekaterinbýrg tasjolynyń 299-shaqyrymynda Toyota Land Cruiser 200 kóliginiń júrgizýshisi tizginge ie bola almai, kólikti aýdaryp alǵan. Jol apaty saldarynan eki áiel qaza tapqan bolatyn.
