2 naýryzdan bastap ákimdikter qoǵamdyq oryndardy lastaǵan azamattardy ákimshilik jaýapkershilikke tarta alady, dep habarlaıdy Dalanews.kz.
ÁQBtK-niń 434-2-babyna sáıkes, ortaq paıdalanatyn oryndardy, saıabaqtar men skverlerdi lastaý, sondaı-aq turmystyq qaldyqtardy belgilenbegen jerge tastaý quqyqbuzýshylyq bolyp esepteledi. Mundaı áreket úshin 10 aılyq eseptik kórsetkish (qazir 43 250 teńge) mólsherinde aıyppul salynady nemese 40 saǵatqa deıin qoǵamdyq jumysqa tartý jazasy qoldanylýy múmkin. Eger zańbuzýshylyq bir jyl ishinde qaıta jasalsa, aıyppul kólemi 20 AEK-ke deıin ulǵaıady.
Buǵan deıin kóshege temeki tuqylyn nemese bos bótelkeni tastaǵandardy tek polısıa ǵana aıyppulǵa tarta alatyn. Endi bul ókilet ákimdikterge de berilip otyr.
