Búgin oblys ákimi Nurlybek Nálibaev, QR Bas prokýratýrasy janyndaǵy Quqyq qorǵaý organdary akademiiasynyń rektory Nurǵalym Ábdirov quqyq qorǵaý organdarynyń, basqarmalardyń, jergilikti oqý oryndarynyń basshylarymen, professorlar jáne stýdenttermen, adam jáne bala quqyqtary jónindegi ýákildermen kezdesti.
Onda«Zań men tártip»qaǵidatyn óńirlik deńgeide naqty iske asyrý, quqyq qorǵaý organdarynyń kásibi áleýetin arttyrý, ǵylym men praktikanyń ózara bailanysyn kúsheitý máseleleri talqylandy.
Nurlybek Mashbekuly elimizdiń quqyq qorǵaý, zań shyǵarý salalaryndaǵy aýqymdy reformalarǵa toqtaldy.
«Memleket basshymyz 2026 jylǵy 15 naýryzda jańa Konstitýtsiiaǵa arnalǵan respýblikalyq referendým ótkizý jóninde Jarlyqqa qol qoidy.Konstitýtsiia jobasynda Uly Dalanyń myńjyldyq tarihynyń sabaqtastyǵy saqtalyp, memlekettiń ýnitarly sipaty men shekarasyna, aýmaqtyq tutastyǵyna qol suǵýǵa bolmaityny naqtylanǵan.Bizdiń maqsatymyz ortaq, ol – Táýelsiz elimizdiń turaqtylyǵyn qamtamasyz etip, halqymyzdyń ómir súrý sapasyn arttyrý.
Al «Zań men tártip» qaǵidatynyń Konstitýtsiia deńgeiinde bekitilýi zań ústemdigi memleket pen qoǵam ómiriniń basty qundylyǵyna ainalatynyn bildiredi.Bul mindet, eń aldymen, quqyq qorǵaý júiesiniń kásibiligine, kadr sapasy men basqarý mádenietine tikelei bailanysty.
Byltyr 30 jeltoqsanda Memleket basshymyz «Quqyqbuzýshylyq profilaktikasy týraly» zańǵa qol qoidy. Bul zań quqyqbuzýshylyqtyń aldyn alýdy jazalaý sharalarynan basym qoiyp, profilaktikanyń biryńǵai júiesin qalyptastyrady. Kámeletke tolmaǵandar arasyndaǵy quqyqqa qaishy minez-qulyqtyń, turmystyq zorlyq-zombylyqtyń, áleýmettik táýekelderdiń aldyn alý boiynsha keshendi ári vedomstvoaralyq jumysty kúsheitýge múmkindik beredi.
Prezidentimizdiń tapsyrmasymen «Adal azamat» birtutas tárbie baǵdarlamasy ázirlenip, barlyq bilim berý uiymyna engizildi.Búginde baǵdarlama «Zań men tártip», «Eńbek adamy», «Taza Qazaqstan» ustanymdary aiasyna júielendi.Bul – bolashaǵyna alańdaityn, urpaq tárbiesin basty qundylyq sanaityn elimiz úshin airyqsha mańyzǵa ie baǵyttar», – dedi N.Nálibaev.
Jiynda Nurǵalym Ábdirov sóz sóilep, akademiia bilikti kadrlar daiarlap, quqyqtyq saýattylyqty arttyrýǵa baǵyttalǵan júieli jumystar júrgizetinin, onyń túlekteri quqyq qorǵaý júiesiniń kásibi áleýetin nyǵaityp, «Adal azamat» qaǵidatyn iske asyrýǵa belsendi úles qosatynyn aitty.Qyzylorda oblysynyń prokýrory Rizabek Ojarov, Qorqyt ata atyndaǵy ýniversitetiniń rektory Naýryzbai Baiqadamov, akademiianyń kafedra meńgerýshisi Artýr Baimahanov kún tártibindegi másele boiynsha baiandama jasady.
Sóz qorytyndysynda oblys ákimi barsha jurtshylyqty aldaǵy mańyzdy saiasi kezeńde eldik múdde jolyndaǵy iske joǵary jaýapkershilikpen belsendi atsalysýǵa shaqyrdy.
Jiyn sońynda aimaq basshysy, QR Bas prokýratýrasy janyndaǵy Quqyq qorǵaý organdary akademiiasynyń rektory, oblys prokýrory men oblystyq politsiia departamentiniń bastyǵy Qyzylorda oblysynda kámeletke tolmaǵandardyń qatysýymen jasalatyn quqyqbuzýshylyqtardyń profilaktikasy salasyndaǵy vedomstvoaralyq ózara is-qimyl týraly kelisimge qol qoidy.
