Taiaý Shyǵysta oryn alǵan jaǵdaiǵa bailanysty «Ksell» AQ (Kcell jáne activ brendteri) Iran, Iordaniia, Birikken Arab Ámirlikteri, Saýd Arabiiasy, Katar, Kýveit, Livan, Bahrein jáne Izrail aýmaqtarynda júrgen abonentterine tegin roýming-paket usynady, dep habarlaidy Dalanews.kz
«Biz qiyn jaǵdaida klientterimizdi bailanyssyz qaldyrýǵa bolmaidy dep esepteimiz. Bailanyssyz qalý qaýpi týyndaǵan sátte abonentterimizdiń jaqyndarymen habarlasa alýyn qamtamasyz etý — bizdiń basty mindetimiz. Sondyqtan dál qazir habar alysý úshin qosymsha bailanys paketin usynyp otyrmyz», — dep atap ótti «Ksell» AQ basqarma tóraǵasy Asqar Jambakin.
Bonýs retinde berilgen trafik pen minýttar buryn qosylǵan roýming-paketter bolǵan jaǵdaidyń ózinde basym tártippen paidalanylady.
Paket 2026 jylǵy 1 naýryzdan bastap atalǵan elderde júrgen abonentterge avtomatty túrde qosylady.
«Ksell» AQ jaǵdaidy muqiiat baqylaýdy jalǵastyryp, qajet bolǵan jaǵdaida abonentteriniń úzdiksiz bailanysyn qamtamasyz etý maqsatynda qosymsha qoldaý sharalaryn qabyldaýǵa daiyn.
