تاياۋ شىعىستا ورىن العان جاعدايعا بايلانىستى «كسەلل» اق (Kcell جەنە activ برەندتەرٸ) يران, يوردانييا, بٸرٸككەن اراب ەمٸرلٸكتەرٸ, ساۋد ارابيياسى, كاتار, كۋۆەيت, ليۆان, باحرەين جەنە يزرايل اۋماقتارىندا جٷرگەن ابونەنتتەرٸنە تەگٸن روۋمينگ-پاكەت ۇسىنادى, دەپ حابارلايدى Dalanews.kz
«بٸز قيىن جاعدايدا كليەنتتەرٸمٸزدٸ بايلانىسسىز قالدىرۋعا بولمايدى دەپ ەسەپتەيمٸز. بايلانىسسىز قالۋ قاۋپٸ تۋىنداعان سەتتە ابونەنتتەرٸمٸزدٸڭ جاقىندارىمەن حابارلاسا الۋىن قامتاماسىز ەتۋ — بٸزدٸڭ باستى مٸندەتٸمٸز. سوندىقتان دەل قازٸر حابار الىسۋ ٷشٸن قوسىمشا بايلانىس پاكەتٸن ۇسىنىپ وتىرمىز», — دەپ اتاپ ٶتتٸ «كسەلل» اق باسقارما تٶراعاسى اسقار جامباكين.
بونۋس رەتٸندە بەرٸلگەن ترافيك پەن مينۋتتار بۇرىن قوسىلعان روۋمينگ-پاكەتتەر بولعان جاعدايدىڭ ٶزٸندە باسىم تەرتٸپپەن پايدالانىلادى.
پاكەت 2026 جىلعى 1 ناۋرىزدان باستاپ اتالعان ەلدەردە جٷرگەن ابونەنتتەرگە اۆتوماتتى تٷردە قوسىلادى.
«كسەلل» اق جاعدايدى مۇقييات باقىلاۋدى جالعاستىرىپ, قاجەت بولعان جاعدايدا ابونەنتتەرٸنٸڭ ٷزدٸكسٸز بايلانىسىن قامتاماسىز ەتۋ ماقساتىندا قوسىمشا قولداۋ شارالارىن قابىلداۋعا دايىن.
