Shymkentte qala ákimdigi aýdan ákiminiń qolastyndaǵylardy urǵan videosy taraýyna bailanysty tekseris júrgiziletinin málimdedi, dep habarlaidy Dalanews.kz.
Atalǵan derek boiynsha oqiǵanyń barlyq mán-jaiyn jan-jaqty ári obektivti anyqtaý maqsatynda qyzmettik tekserý júrgiziledi.
Qala ákimdigi zańdylyqty saqtaý, qyzmettik ádep qaǵidattaryn ustaný jáne kez kelgen quqyqqa qaishy áreketterge jol bermeý ustanymyn basshylyqqa alady. Eger taralǵan beinejazbada kórsetilgen jaittar rastalsa, Qazaqstan Respýblikasynyń qoldanystaǵy zańnamasyna sáikes tiisti sharalar qabyldanady.
Ákimdik tekserý aiaqtalǵanǵa deiin asyǵys qorytyndy jasamaýdy surady.Tekserý nátijeleri týraly qosymsha habarlanady.
Eske salaiyq, Shymkentte aýdan ákiminiń qolastyndaǵylardy soqqyǵa jyqqan videosy taraǵan bolatyn. Videony zańger Aigúl Orynbek jariialady. Onyń sózinshe, oqiǵa byltyr qazan aiynda bolǵan.
