Almatyda QR Mádeniet jáne aqparat ministrliginiń qoldaýymen, Jambyl atyndaǵy Qazaq memlekettik akademiialyq filarmoniiasy men Almaty oblysy ákimdiginiń birlese uiymdastyrýymen Jambyl Jabaevtyń 180 jyldyq mereitoiyna arnalǵan «Ata tolǵaýy» atty saltanatty kontsert ótti, dep habarlaidy Dalanews.kz.
Qazaqstan Respýblikasynyń Prezidenti Qasym-Jomart Kemeluly Toqaev Jambyl Jabaevtyń 180 jyldyǵyna orai uiymdastyrylǵan saltanatty kontsertke bailanysty Qazaqtyń Jambyl atyndaǵy memlekettik filarmoniiasy ujymyna jáne kesh qatysýshylaryna Quttyqtaý hat joldady.
Kontsertte N. Tilendiev atyndaǵy akademiialyq folklorly-etnografiialyq «Otyrar sazy» orkestri, B. Baiqadamov atyndaǵy Memlekettik hor kapellasy, Filarmoniia jeke oryndaýshylary, Almaty oblysynyń ónerpazdary qatysty.
Is-sharaǵa QR Prezidentiniń keńesshisi Málik Otarbaev, TÚRKSOI túrki mádenieti men óneri halyqaralyq uiymynyń Bas hatshysy Sultan Raev, Qazaqstan Jazýshylar odaǵynyń basqarma tóraǵasy Mereke Qulkenov, Almaty oblysy men Almaty qalasy ákimdigi, ziialy qaýym ókilderi qatysty.
Kontserttik baǵdarlama aiasynda «Otyrar sazy» orkestri men Almaty oblysynyń ónerpazdary bir sahnada óner kórsetip, M. Mańǵytaevtyń, E. Úsenovtiń jáne L. Hamididiń shyǵarmalaryn oryndady. Sonymen qatar biyl týǵanyna 165 jyl tolyp otyrǵan kúi anasy Dina Nurpeiisovanyń murasy da ulyqtalyp, Baian Sátqyzynyń oryndaýynda «Naýysqy» kúii tartyldy.
Keshte Qazaqstannyń Halyq ártisi Ramazan Stamǵaziev Jambyldyń «Jiyrma bes» ánin naqyshyna keltire oryndap, kórermenniń ystyq yqylasyna bólendi. Keshke Qyrǵyz Respýblikasynyń Halyq ártisi Baqytbek Tilegenov bastaǵan ónerpazdar arnaiy qatysyp, qazaq pen qyrǵyzdyń tamyrlas tarihyn ásem áýenmen órnektedi.
Filarmoniia foiesinde Jambyl mýzei-úiimen birlesken kórme ashylyp, kelýshiler jyr alybynyń kózin kórgen qundy eksponattardy tamashalady.
