Qaraǵandyda balalardy tamaqtandyrý qyzmetin uiymdastyrýǵa arnalǵan konkýrstyń qorytyndysy sot sheshimimen zańsyz dep tanylyp, kúshi joiyldy. Sonymen qatar qyzmet kórsetý týraly kelisimshart jaramsyz dep tanyldy, dep habarlaidy dalanews.kz.
Qaraǵandy oblysynyń mamandandyrylǵan aýdanaralyq ákimshilik sotynyń málimetinshe, sot jeke kásipkerdiń konkýrs uiymdastyrýshysyna qarsy bergen talap aryzyn qanaǵattandyrǵan.
Is «Balalardy tamaqtandyrýdy uiymdastyrý qyzmetteri» loty boiynsha ótkizilgen konkýrs nátijelerine qatysty qaralǵan. Talap qoiýshy konkýrs qorytyndysy týraly hattamamen kelispei, eki jeke kásipkerge negizsiz joǵary ball berilgenin alǵa tartqan.
Sot anyqtaǵandai, konkýrstyń nátijeleri qaita shyǵarylǵan kezde konkýrsqa qatysýǵa ótinim bergen jeke kásipkerlerdiń birqatar qyzmetkeri olarmen eńbek qatynasynda bolmaǵan. Osyǵan bailanysty kásipkerler qajetti eńbek resýrstarynyń bolýy týraly talaptarǵa sáikes kelmegen.
Sot konkýrs qorytyndysy týraly hattamany zańsyz dep tanyp, kúshin joidy. Sondai-aq qyzmet kórsetý týraly kelisimshart jaramsyz dep tanyldy.
Jaýapker talap aryzdy qanaǵattandyrýdan bas tartýdy surap, konkýrs ótinimderi konkýrstyq qujattama talaptaryna sáikes baǵalanǵanyn málimdegen.
Alaida Qaraǵandy oblystyq sotynyń ákimshilik ister jónindegi sot alqasy birinshi satydaǵy sottyń tujyrymdarymen kelisip, talap aryzdy qanaǵattandyrý týraly sheshimdi kúshinde qaldyrdy.
