Astanada bala kólikti otaldyryp, dámhanaǵa soǵylǵan, dep habarlaidy dalanews.kz Informburo.kz-ke siltep.
6 qarashada bala abaisyzda kólikti otaldyryp jibergen. Saldarynan kólik dámhana ǵimaratyna soǵylyp, terezesin syndyrǵan. Abyroi bolǵanda, eshkim zardap shekken joq.
Politsiianyń málimetinshe, Daimler Chrysler kóliginiń iesi dúkenge kirip, kólikti qaraýsyz qaldyrǵan. Osy kezde onyń kámeletke tolmaǵan uly rólge otyryp, kiltti buraǵan. Kólik qozǵalyp ketip, dámhanaǵa soǵylǵan.
Balanyń ákesi ákimshilik jaýapkershilikke tartyldy. Oǵan balany tárbieleý mindetin tiisinshe oryndamaǵany úshin de shara qoldanyldy. Dámhanaǵa keltirilgen shyǵyn ótelýge tiis.
