Qazaqstandaǵy qutqarý oqiǵasy álemge tanymal kásipker Ilon Masktyń nazaryn aýdardy. Ol áleýmettik jelidegi paraqshasynda Starlink spýtniktik internetiniń kómegimen qar qursaýynda qalǵan bes adamnyń aman qalǵany týraly jazbany bólisti, dep habarlaidy dalanews.kz.
Mask jazbaǵa qysqasha ǵana «Starlink saves lives» («Starlink adam ómirin qutqarady») dep pikir bildirgen.
Oqiǵa 8 qarashada Ilon Masktyń X áleýmettik jelisindegi paraqshasynda jariialandy. Ol DogeDesigner akkaýnty bólisken aqparatqa nazar aýdarǵan. Jazbada Shyǵys Qazaqstan oblysynyń Kúrshim aýdanynda bes adamnyń qar qursaýynda qalyp, Starlink arqyly qutqarýshylarmen bailanys ornatqany aitylǵan.
Oqiǵa qalai bolǵan?
Oqiǵa 22 qazanda Shyǵys Qazaqstan oblysynyń Kúrshim aýdanynda bolǵan. Qystaý Kúrshim aýylynan shamamen 15 shaqyrym jerde jol talǵamaityn kólik buzylyp, ishindegi bes adam ózdiginen jolyn jalǵastyra almaǵan.
Oqiǵa bolǵan aýmaqta uialy bailanys bolmaǵan. Sondyqtan olar Starlink spýtniktik interneti arqyly kómek surap, qutqarýshylarmen bailanys ornatqan. Osy tehnologiianyń kómegimen mamandar olardyń naqty ornalasqan jerin anyqtai alǵan.
Tótenshe jaǵdailar qyzmetiniń mamandary kómekke «Trekol» joǵary ótimdi kóligimen shyqqan. Qutqarýshylar bes adamǵa jetý úshin shamamen 100 shaqyrym jol júrip ótken. Keiin buzylǵan kólikti Qystaý Kúrshim aýylyna deiin súiemeldep jetkizgen.
Oqiǵa saldarynan eshkim zardap shekken joq. Bes adamnyń eshqaisysyna meditsinalyq kómek qajet bolmaǵan.
Ilon Mask ne dedi?
Qazaqstandaǵy oqiǵa týraly jazba áleýmettik jelide keńinen taraldy. Oǵan pikir bildirgen Ilon Mask Starlink tehnologiiasynyń mańyzyn atap ótti.
«Starlink adam ómirin qutqarady», – dep jazdy kásipker.
