قازاقستانداعى قۇتقارۋ وقيعاسى ەلەمگە تانىمال كەسٸپكەر يلون ماسكتىڭ نازارىن اۋداردى. ول ەلەۋمەتتٸك جەلٸدەگٸ پاراقشاسىندا Starlink سپۋتنيكتٸك ينتەرنەتٸنٸڭ كٶمەگٸمەن قار قۇرساۋىندا قالعان بەس ادامنىڭ امان قالعانى تۋرالى جازبانى بٶلٸستٸ, دەپ حابارلايدى dalanews.kz.
ماسك جازباعا قىسقاشا عانا «Starlink saves lives» («Starlink ادام ٶمٸرٸن قۇتقارادى») دەپ پٸكٸر بٸلدٸرگەن.
وقيعا 8 قاراشادا يلون ماسكتىڭ X ەلەۋمەتتٸك جەلٸسٸندەگٸ پاراقشاسىندا جارييالاندى. ول DogeDesigner اككاۋنتى بٶلٸسكەن اقپاراتقا نازار اۋدارعان. جازبادا شىعىس قازاقستان وبلىسىنىڭ كٷرشٸم اۋدانىندا بەس ادامنىڭ قار قۇرساۋىندا قالىپ, Starlink ارقىلى قۇتقارۋشىلارمەن بايلانىس ورناتقانى ايتىلعان.
وقيعا قالاي بولعان?
وقيعا 22 قازاندا شىعىس قازاقستان وبلىسىنىڭ كٷرشٸم اۋدانىندا بولعان. قىستاۋ كٷرشٸم اۋىلىنان شامامەن 15 شاقىرىم جەردە جول تالعامايتىن كٶلٸك بۇزىلىپ, ٸشٸندەگٸ بەس ادام ٶزدٸگٸنەن جولىن جالعاستىرا الماعان.
وقيعا بولعان اۋماقتا ۇيالى بايلانىس بولماعان. سوندىقتان ولار Starlink سپۋتنيكتٸك ينتەرنەتٸ ارقىلى كٶمەك سۇراپ, قۇتقارۋشىلارمەن بايلانىس ورناتقان. وسى تەحنولوگييانىڭ كٶمەگٸمەن ماماندار ولاردىڭ ناقتى ورنالاسقان جەرٸن انىقتاي العان.
تٶتەنشە جاعدايلار قىزمەتٸنٸڭ ماماندارى كٶمەككە «ترەكول» جوعارى ٶتٸمدٸ كٶلٸگٸمەن شىققان. قۇتقارۋشىلار بەس ادامعا جەتۋ ٷشٸن شامامەن 100 شاقىرىم جول جٷرٸپ ٶتكەن. كەيٸن بۇزىلعان كٶلٸكتٸ قىستاۋ كٷرشٸم اۋىلىنا دەيٸن سٷيەمەلدەپ جەتكٸزگەن.
وقيعا سالدارىنان ەشكٸم زارداپ شەككەن جوق. بەس ادامنىڭ ەشقايسىسىنا مەديتسينالىق كٶمەك قاجەت بولماعان.
يلون ماسك نە دەدٸ?
قازاقستانداعى وقيعا تۋرالى جازبا ەلەۋمەتتٸك جەلٸدە كەڭٸنەن تارالدى. وعان پٸكٸر بٸلدٸرگەن يلون ماسك Starlink تەحنولوگيياسىنىڭ ماڭىزىن اتاپ ٶتتٸ.
«Starlink ادام ٶمٸرٸن قۇتقارادى», – دەپ جازدى كەسٸپكەر.
