Tanymal bloger Birjan Áshimniń ákesi, kompozitor ári mýzykant Saparǵali Áshim ómirden ótti. Qaraly habardy blogerdiń jubaiy Diana Álieva áleýmettik jelidegi paraqshasynda jariialady, dep habarlaidy dalanews.kz.
Diana Álieva Instagram jelisinde marqum qaiyn atasymen birge túsken otbasylyq sýretterin bólisip, onyń qazasyn aýyr qabyldaǵanyn jetkizdi.
Ol Saparǵali Áshimniń ómiriniń sońǵy kúnderine deiin kóńildi júrip, ainalasyndaǵylarǵa ázil aityp júrgenin eske aldy.
"Saparǵali atamyz endi aramyzda joq... Janymyzǵa qatty batty. Júregim qars aiyryldy. Qalai ǵana bulai boldy? Sengim kelmeidi, sengim kelmeidi. Ómiriniń sońǵy kúnderinde de ázildep júrdi. Qashanda kóńildi, ómirge qushtar jan edi. Jatqan jerińiz jaily bolsyn, ardaqty atamyz", – dep jazdy ol.
Blogerdiń jubaiy marqumnyń adamgershiligi mol, jaqyndaryna qamqor azamat bolǵanyn atap ótti. Diananyń sózinshe, qaiyn atasy ony árdaiym qoldap, óz qyzyndai qabyldaǵan. Sondai-aq ózgelerdiń orynsyz sózinen qorǵap, janynan tabylyp otyrǵan.
"Atashym eń jaqsy adam edi. Adal, abyroily jan boldy. Bári ony jaqsy kórip, qurmetteitin. Qashanda meniń jaǵymda bolyp, ózgelerdiń jaman sózinen qorǵady. Qoldaý kórsetip, týǵan qyzyndai qabyldady. Qaida bararymdy bilmei otyrmyn, Qudaiym-ai…" – dep qaiǵyrdy Diana Álieva.
Aita keteiik, Saparǵali Áshim qaitys bolardan shamamen bir apta buryn aýrýhanada jatqanyn áleýmettik jelide habarlaǵan.
Ol aýrýhanada jubaiymen birge túsken sýretin jariialap, densaýlyǵyna bailanysty qiyndyqtarǵa qaramastan, ázildesip júrgenin kórsetken.
"Telefondaǵy sýretterdi qarap otyryp, bir nárseni kezdeisoq baiqadym. Aýrýhanada jatqan men bolǵandyqtan, júzimnen tán azaby men jan kúizelisi baiqalyp tur. Al áielimniń kóńil kúiin túsiný tipti múmkin emes", – dep jazǵan edi ol.
Saparǵali Áshim kim?
Saparǵali Áshim – qazaqstandyq kompozitor, mýzykant jáne pedagog. Ol uzaq jyldar boiy elimizdiń mýzyka jáne mádeniet salasynda eńbek etken. Qurmanǵazy atyndaǵy Qazaq ulttyq konservatoriiasyn támamdaǵan óner iesi Qazaqstan Kompozitorlar odaǵynyń múshesi bolǵan.
Shyǵarmashylyq jolynda birqatar mýzykalyq týyndy jazyp, Tselinograd oblystyq filarmoniiasynda óner kórsetken. Sonymen qatar Saparǵali Áshim Qarajal qalasyndaǵy Mádeniet saraiyn basqaryp, óńirdiń mádeni ómirin damytýǵa úles qosqan. Ol ulttyq salt-dástúrlerdi dáripteýge, sonyń ishinde Naýryz merekesiniń qaita jańǵyrýyna atsalysqan mádeniet qairatkerleriniń biri retinde tanylǵan.
