Aqmola oblysyna qarasty Qosshy qalasynyń ákimdiginde kadrlyq ózgeris boldy. Qala ákiminiń orynbasary qyzmetine Ainagúl Kóńbaiqyzy taǵaiyndaldy, dep habarlaidy dalanews.kz.
Ainagúl Kóńbaiqyzy buǵan deiin Qosshy qalasynyń ishki saiasat, mádeniet, sport jáne tilderdi damytý bólimin basqarǵan. Jańa qyzmetke taǵaiyndalǵan sheneýnik memlekettik basqarý salasynda 20 jyldan astam eńbek etken.
Ainagúl Kóńbaiqyzy kim?
Ainagúl Kóńbaiqyzy 1982 jyly dúniege kelgen. Eńbek jolyn 2002 jyly Aqmola oblysynyń Aqparat jáne qoǵamdyq kelisim basqarmasynda bastaǵan.
2013-2017 jyldar aralyǵynda Aqmola oblysynyń Tselinograd aýdanyna qarasty Qaraótkel aýyldyq okrýginiń ákimi qyzmetin atqarǵan.
Al 2021 jyldan bastap Qosshy qalasynyń ishki saiasat, mádeniet, sport jáne tilderdi damytý bóliminiń basshysy bolyp jumys istegen.
