Qazaqstannyń Energetika ministrligi "Shesharis" munai quiý terminalyndaǵy jaǵdaiǵa pikir bildirdi, dep habarlaidy Dalanews.kz.
"Qazir qolda bar aqparatqa sáikes Novorossiisk portyndaǵy "Shesharis" munai quiý terminalyndaǵy oqys oqiǵa qazaqstandyq munai óndirýshi kásiporyndardyń óndiristik kórsetkishterine keri áserin tigizgen joq", - dep jazylǵan habarlamada.
Vedomstvo málimetinshe, otandyq munai óndirý protsesi jáne ony eksporttaý qalypty rejimde júzege asyrylyp jatyr.
"Qazaqstan munaiyn jetkizýde paidalanylatyn eksporttyq infraqurylym jumysynda irkilis tirkelgen joq. Energetika ministrligi jaǵdaidy beiindi uiymdarmen jáne infraqurylym operatorlarymen ózara is-qimyl sheńberinde turaqty baqylap otyr", - dep jazylǵan habarlamada.
Aita keteiik, 2 naýryzda Novorossiisk qalasynda iri órt shyqty. Sarapshylar ony Reseidiń eksporttyq infraqurylymyndaǵy mańyzdy nysandardyń biri - "Shesharis" munai terminalymen bailanystyrdy.
