Saýd Arabiiasynyń laýazymdy ókili Al Jazeera telearnasyna bergen suhbatynda AQSh Parsy shyǵanaǵy elderin nazardan tys qaldyrǵanyn málimdedi, dep habarlaidy Dalanews.kz.
Onyń aitýynsha, AQSh óziniń áýe qorǵanysy júielerin Izraildi qorǵaýǵa baǵyttap, aýmaǵynda amerikalyq áskeri bazalar ornalasqan Parsy shyǵanaǵy memleketterin irandyq zymyrandar men ushqyshsyz ushatyn apparattardyń aldynda qorǵansyz qaldyrǵan.
Sonymen qatar, Saudi Aramco iri munai óńdeý zaýytynyń jumysyn toqtatty.
Osy jaǵdai aiasynda Saýd Arabiiasynyń memlekettik munai kompaniiasy Saudi Aramco drondar shabýylynan keiin Ras Tanura munai óńdeý kesheniniń jumysyn ýaqytsha toqtatty. Bul týraly batystyq BAQ habarlady.
Parsy shyǵanaǵy jaǵalaýynda ornalasqan Ras-Tanýra qalasyndaǵy keshen Taiaý Shyǵystaǵy eń iri munai óńdeý zaýyttarynyń biri sanalady jáne saýdiialyq munaidy eksporttaýda mańyzdy terminal bolyp tabylady. Onyń táýliktik qýaty – 550 myń barrel.
Bloomberg agenttiginiń dereginshe, kásiporyn aýmaǵynda órt shyqqan, alaida ol oqshaýlanǵan.
Al Saýd Arabiiasy Qorǵanys ministrliginiń ókili Al Arabiya telearnasyna Ras Tanura munai óńdeý zaýyty mańynda eki ushqyshsyz apparattyń joiylǵanyn habarlady.
Munai baǵasy kúrt ósti
Oqiǵadan keiin munai naryǵy da qatty qubyldy. Londondaǵy ICE Futures birjasynda Brent markaly munaidyń mamyr aiyna arnalǵan fiýchersteri Máskeý ýaqytymen 11:22-de 9,8%-ǵa qymbattap, barreline 80 dollarǵa jetti.
Al Niý-Iork taýar birjasynda (NYMEX) WTI markaly munaidyń sáýir aiyna arnalǵan fiýchersteri 9,2%-ǵa ósip, barreline 73,2 dollar boldy.
Sarapshylardyń pikirinshe, Taiaý Shyǵystaǵy áskeri shielenis munai naryǵyndaǵy turaqsyzdyqty odan ári kúsheitýi múmkin.
